carrosserie-autospritzwerk markus tinguely ag

Meine Philosophie

Mis Team u mi Vättu – ohni si git nüt. Si stärche mir de Rügge, gö mit mir dür suuri u dür Schoggizite, si nämemi wini bin u si gäbe täglich volla Isatz, zäme simer Handwärch mit Härz, das stiht nid nume am na Wärbeplakat, das läbe wir. I nimme si defür wi si sin, schätze ihnes Isatz u ihnes Härzbluet für mi Betrieb.

Ohni öich us Chunde u Gschäftspartner wäri das o nid möglich. Z Läbeswärk vom Vättu mit Härzbluet, Früd u Lideschaft witerfüehre, das isch mis Ziu u mi Atrib. Chef, das wird mu nid, idäm mu a Unterschrüft ufenas Blatt Papier setzt, Chef wird mu idäm mu au Tag a biz meh drin wachst, stärker wird, weich blibt, uf z Mu kit, umi ufstiht, Kämpf ustrit mit andere oder mit sich säuber, Fehler macht, drus lehrt, Träne vergiesst, mächtig stouz isch uf chlini u grossi Erfouge, witer chunt, anders isch, schlaui u weniger schlaui Entscheide trifft, idäm mu si Wäg git, de Wäg liebt u d Früd uf däm Wäg nid verliert. Ma muess nid für aus wo mu macht u tuet gliebt wärde, aber ma muess sich säuber treu blibe, ächt si u glücklich si debi.

Caroline
Inhaberin und Geschäftsführerin